ಭಾರತದ ಬಗ್ಗೆ ಮಾಹಿತಿ Information About India Bharathada Bagge Mahiti in Kannada
Contents
ಭಾರತದ ಬಗ್ಗೆ ಮಾಹಿತಿ
ಈ ಲೇಖನಿಯಲ್ಲಿ ಭಾರತದ ಬಗ್ಗೆ ಸಂಪೂರ್ಣವಾದ ಮಾಹಿತಿಯನ್ನು ನಮ್ಮ Post ನಲ್ಲಿ ನೀಡಲಾಗಿದೆ.
ಭಾರತದ ಬಗ್ಗೆ ಮಾಹಿತಿ
ಭಾರತ ೩೨,೮೭,೨೬೩ ಚದರ ಕಿ. ಮೀ ವಿಸ್ತೀರ್ಣವುಳ್ಳ ವಿಶಾಲವಾದ ದೇಶವಾಗಿದೆ. ವಿಶ್ವದ ಪ್ರಜಾಪ್ರಭುತ್ವ ರಾಷ್ಟ್ರಗಳಲ್ಲೇ ದೊಡ್ಡ ರಾಷ್ಟ್ರವಾಗಿದೆ. ಈ ದೇಶವು ಉತ್ತರ ಅಕ್ಷಾಂಶ ೮ ಡಿಗ್ರಿ ೪ ದಿಂದ ೩೭ ಡಿಗ್ರಿ ೬ ಹಾಗೂ ಪೂರ್ವ ರೇಖಾಂಶ ೬೮ ಡಿಗ್ರಿ ದಿಂದ ೯೭ ಡಿಗ್ರಿ ೨೫ ಗಳ ನಡವೆ ವಿಸ್ತರಿಸಿದೆ. ೨೦೧೧ ರ ಜನಗಣತಿಯ ಪ್ರಕಾರ ಭಾರತದ ಜನಸಂಖ್ಯೆಯು ೧,೨೧,೦೫,೬೯,೫೭೩ ಭಾರತ ಸುಮಾರು ೧೫,೨೦೦ ಕಿ. ಮೀ ಉದ್ದದ ಗಡಿಯನ್ನು ಹೊಂದಿರುತ್ತದೆ. ಇಲ್ಲಿಯ ಕರಾವಳಿಯ ಉದ್ದ ಸುಮಾರು ೭,೫೧೬.೬ ಕಿ. ಮೀ ಗಳು ಕನ್ಯಾಕುಮಾರಿಯಿಂದ ಕಾಶ್ಮೀರದವರೆಗೆ ದಕ್ಷಿಣೋತ್ತರವಾಗಿ ಹಾಗೂ ಪೂರ್ವ ಪಂಜಾಬಿನಿಂದ ಪಶ್ಚಿಮ ಬಂಗಾಳದವರೆಗೆ ಪೂರ್ವಪಶ್ಚಿಮವಾಗಿ ಭಾರತ ವಿಸ್ತರಿಸಿದೆ. ಪ್ರಾಚೀನ ಭಾರತ ಈಗಿನ ಪಾಕಿಸ್ತಾನ, ಬಲೂಚಿಸ್ಥಾನ, ಅಫ್ಘಾನಿಸ್ಥಾನ, ಮಯನ್ಮಾರ್‌ ಹಾಗೂ ಶ್ರೀಲಂಕಾಗಳನ್ನು ಒಳಗೊಂಡಿತ್ತೆಂದು ತಿಳಿದು ಬರುತ್ತದೆ. ಕಾಲಾಂತರಗಳಲ್ಲಿ ಕಾರಾಣಾಂತರದಿಂದ ಆ ಪ್ರದೇಶಗಳು ಭಾರತದಿಂದ ಬೇರೆಯಾಗಿವೆ.
ಭಾರತದ ಇತಿಹಾಸ ಸುಧೀರ್ಘವಾಗಿದ್ದು ಈ ಇತಿಹಾಸದ ಗತಿಯು ಏಕರೂಪ ಕಾಣದಿರುವುದು ಸ್ಪಷ್ಟ. ಸ್ವಾತಂತ್ರ್ಯ ಕಾಣುವರೆಗೂ ಇದು ಒಂದು ರಾಷ್ಟ್ರವಾಗಿರಲಿಲ್ಲ. ಮೌರ್ಯರು, ಶಾತವಾಹನರು, ಗುಲಾಮಿ ಸಂತತಿಯವರು, ಕದಂಬರು, ಹೊಯ್ಸಳರು, ಪಲ್ಲವರು, ಕಳಿಂಗರು, ವಿಜಯನಗರದ ಅರಸರು, ಮೊಗಲರೇ ಮೊದಲಾದ ರಾಜವಂಶಗಳು ಈ ದೇಶವನ್ನು ಆಳಿವೆ. ವ್ಯಾಪಾರದ ಉದ್ದೇಶವಿರಿಸಿ ಬಂದ ಬ್ರಿಟಿಷರು ಇಲ್ಲಿ ೨೦೦ ವರ್ಷಗಳ ಕಾಲ ಆಳ್ವಿಕೆಯನ್ನು ನಡೆಸಿದರು. ಭಾರತ ಪರಕೀಯದ ಆಳ್ವಿಕೆಯಿಂದ ಮುಕ್ತಗೊಂಡು ೧೯೪೭ ರ ಆಗಸ್ಟ್‌ ೧೫ ರಂದು ಸ್ವತಂತ್ರವಾಯಿತು.೧೯೫೦ ರ ಜನವರಿ ೨೬ ರಂದು ಗಣರಾಜ್ಯವಾಗಿ ತನ್ನದೇ ಆದ ಸಂವಿಧಾನವನ್ನು ರಚಿಸಕೊಂಡಿವೆ.
ಭಾರತದಲ್ಲಿ ಭತ್ತ, ರಾಗಿ, ದ್ವಿದಳ ಧಾನ್ಯಗಳು, ಗೋಧಿ, ಕಬ್ಬು, ಸಣಬು, ಹತ್ತಿ, ತೈಲ ಬೀಜಗಳು ಮೊದಲಾದವು ಭಾರತದ ಮುಖ್ಯ ಬೆಳೆಗಳು. ಚಿನ್ನ, ಕಬ್ಬಿಣದ ಅದಿರು, ಕಲ್ಲಿದ್ದಲು, ತಾಮ್ರ, ಅಲ್ಯೂಮಿನಿಯಂ, ಪೆಟ್ರೋಲಿಯಂ, ಕೋಬಾಲ್ಟ್‌, ಅಮೃತಶಿಲೆ, ಮ್ಯಾಂಗನೀಸ್‌, ಗ್ರಾಫೈಟ್‌, ವಜ್ರ, ಲಭ್ಯವುಳ್ಳ ಮುಖ್ಯ ಖನಿಜಗಳು. ವಿಮಾನ, ಯಂತ್ರೋಪಕರಣಗಳು, ರೈಲುಗಾಡಿಗಳು, ಉಕ್ಕು, ಸಿಮೆಂಟ್‌, ವಸ್ತ್ರೋಧ್ಯಮ, ಕಾಗದ, ವಿದ್ಯುತ್‌, ಭಾರಿ ವಿದ್ಯುತ್‌ ಉಪಕರಣಗಳು ರೇಷ್ಮೇ ಮುಖ್ಯ ಉದ್ದಿಮೆಗಳು ದೇಶದಲ್ಲಿ ಜಲವಿದ್ಯುತ್‌, ಶಾಖೋತ್ಪನ್ನ ವಿದ್ಯುತ್‌ ಕೇಂದ್ರಗಳೇ ಅಲ್ಲದೇ ಆರು ಅಣುಶಕ್ತಿ ಸ್ಥಾವರಗಳಿವೆ. ಪರಮಾಣು ತಂತ್ರಜ್ಞಾನ, ಮಾಹಿತಿ ತಂತ್ರಜ್ಞಾನ, ಬಾಹ್ಯಕಾಶ ವಿಜ್ಞಾನ ಕ್ಷೇತ್ರಗಳಲ್ಲಿ ಭಾರತ ಮುಂಚೂಣಿಯಲ್ಲಿದೆ.
ದೇಶ – ವಿದೇಶಗಳಿಂದ ಭಾರತ ಪ್ರತಿವರ್ಷ ಲಕ್ಷಾಂತರ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಆಗ್ರ, ಜಯಪುರ, ದೆಹಲಿ, ಮೈಸೂರು, ಖಜುರಹೋ, ಕಾಶಿ, ರಾಮೇಶ್ವರ ಮೊದಲಾದ ನೂರಾರು ಪ್ರೇಕ್ಷಣೀಯ ಸ್ಥಳಗಳು ಭಾರತದಲ್ಲಿವೆ. ಏಷ್ಯಾದಲ್ಲಿ ಭಾರತ ಗಮನಾರ್ಹ ಸ್ಥಾನವನ್ನು ಹೊಂದಿರುತ್ತದೆ. ಏಳು ಸಾರ್ಕ್‌ ರಾಷ್ಟ್ರಗಳಲ್ಲಿ ಭಾರತವೂ ಒಂದು. ವಿಶ್ವದ ಹತ್ತು ಪ್ರಮುಖ ಕೈಗಾರಿಕೆಗಳಿಂದ ಅಭಿವೃದ್ದಿ ಹೊಂದಿರುವ ದೇಶಗಳಲ್ಲಿ ಭಾರತ ಸಹ ಒಂದು. ವೈವಿಧ್ಯತೆಯಲ್ಲಿ ಏಕತೆ ಹೊಂದಿರುವ ರಾಷ್ಟ್ರ ಭಾರತವಾಗಿದೆ.
ಭಾರತದ ಬಗ್ಗೆ ಮಾಹಿತಿ
| ರಾಜ್ಯ | ರಾಜಧಾನಿ | ಭಾಷೆಗಳು |
| ಅರುಣಾಚಲ ಪ್ರದೇಶ | ಇಟಾನಗರ | ಮಿಜಿ, ಅಕಾ, ಆದಿ, ಖಮ್ತಿ |
| ಅಸ್ಸಾಂ | ದಿಸ್ಪೂರ | ಅಸ್ಸಾಮಿ |
| ಆಂಧ್ರಪ್ರದೇಶ | ಹೈದರಾಬಾದ್ | ತೆಲಗು, ಉರ್ದು |
| ಉತ್ತರಾಖಂಡ್ | ಡೆಹರಾಡ್ಯೂನ್ | ಹಿಂದಿ, ಗರ್ವಾಲಿ, ಕಮೈನಿ |
| ಒಡಿಸ್ಸಾ | ಭುವನೇಶ್ವರ | ಒಡಿಯಾ |
| ಕರ್ನಾಟಕ | ಬೆಂಗಳೂರು | ಕನ್ನಡ |
| ಕೇರಳ | ತಿರುವಂತಪುರ | ಮಲಯಾಳಂ |
| ಗುಜರಾತ್ | ಗಾಂಧಿನಗರ | ಗುಜರಾತಿ |
| ಗೋವಾ | ಪಣಜಿ | ಕೊಂಕಣಿ ಮತ್ತು ಮರಾಠಿ |
| ಛತ್ತೀಸ್ ಗಡ್ | ರಾಯಪುರ | ಹಿಂದಿ |
| ಜಮ್ಮು ಮತ್ತು ಕಾಶ್ಮೀರ್‌ | ಶ್ರೀನಗರ | ಉರ್ದು, ಕಾಶ್ಮೀರ, ಪಹಾರಿ, ಬಾಲ್ಜಿ, ಲಡಾಖಿ, ಪಂಜಾಬಿ, ಗುಜ್ರಿ, ದಾದ್ರಿ |
| ಜಾರ್ಖಾಂಡ್ | ರಾಂಚಿ | ಹಿಂದಿ |
| ತಮಿಳುನಾಡು | ಚೆನ್ನೈ | ತಮಿಳು |
| ತ್ರಿಪುರಾ | ಅಗರ್ತಲಾ | ಬಂಗಾಳಿ, ಕೊಕ್ಬೋರ |
| ತೆಲಂಗಾಣ | ಹೈದರಾಬಾದ್ | ತೆಲುಗು, ಉರ್ದು |
| ನಾಗಲ್ಯಾಂಡ್ | ಕೋಹಿಮಾ | ಅಂಗಾಮಿ, ಚಾಂಗ್‌, ಕೋನ್ಯಾಕ್‌, ಲೋತಾ, ಸಂಗ್ತಮ್‌, ಸೇಮಾ, ಚಾಕೇಸಂಗ್ |
| ಪಂಜಾಬ್ | ಚಂಡಿಗಢ | ಪಂಜಾಬಿ |
| ಪಶ್ಚಿಮ ಬಂಗಾಳ | ಕೊಲ್ಕತ್ತಾ | ಬಂಗಾಳಿ |
| ಬಿಹಾರ | ಪಾಟ್ನಾ | ಹಿಂದಿ |
| ಮಣಿಪುರ | ಇಂಫಾಲ್ | ಮಣಿಪುರಿ |
| ಮಧ್ಯಪ್ರದೇಶ | ಭೂಪಾಲ್ | ಹಿಂದಿ |
| ಮಹಾರಾಷ್ಟ್ರ | ಮುಂಬೈ | ಮರಾಠಿ |
| ಮೇಘಾಲಯ | ಶಿಲ್ಲಾಂಗ್ | ಖಾಸಿ, ಗಾರೋ, ಇಂಗ್ಲಿಷ್ |
| ಮಿಜೋರಾಂ | ಐಜ್ವಾಲ್ | ಮಿಜೋ, ಇಂಗ್ಲಿಷ್ |
| ರಾಜಸ್ಥಾನ | ಜೈಪುರ | ಹಿಂದಿ, ರಾಜಸ್ಥಾನಿ |
| ಸಿಕ್ಕಿಂ | ಗಾಂಗ್ಟೋಕ್ | ಲೆಪ್ಟಾ, ಭೂತಿಯಾ, ನೇಪಾಳಿ, ಲಿಂಬು |
| ಹರ್ಯಾಣ | ಚಂಡೀಗಡ | ಹಿಂದಿ |
| ಹಿಮಾಚಲ ಪ್ರದೇಶ | ಶಿಮ್ಲಾ | ಹಿಂದಿ, ಪಹಾರಿ |
| ಉತ್ತರ ಪ್ರದೇಶ | ಲಕ್ನೋ | ಹಿಂದಿ, ಉರ್ದು |
FAQ
ಕರ್ನಾಟಕದ ರಾಜಧಾನಿ ಯಾವುದು ?
ಬೆಂಗಳೂರು
ಗೋವಾದ ರಾಜಧಾನಿ ಯಾವುದು ?
ಪಣಜಿ
ಇತರೆ ವಿಷಯಗಳು :